Iiträg markiert met ‘Museum H.R. Gyger’

Nöijohrsusflug nach Gruyères

E Usflug wo scho lang uf üsere Todo-Liste gstande esch, heimer ändli i Agriff gno. Am 2. Johrestag vom 2011 heimer öis ufe Wäg gmacht rechtig Weschtschwiiz. Nach ca. 1 1/2 Stund (früehner aus erwartet, het jo ke Auto gha uf der Stross ;-) ) seimer denn acho.

S’Ziil vom Usflog esch d’Besichtigung vom H.R. Gyger Museum ond natürli chli s’Usteste vo üsere nöie Spiegelreflexkamera gsi.

A däm Tag eschs rächt chalt gsi ond d’Sunne het ou ned rächt oder eigentli nie wöue usecho. Passend zo de Bilder vom Gyger :-) . De Iitritt esch 17.– pro Person gsi inkl. Itritt vom Schloss wo grad es paar Schritt wiiter oberhalb vom Museum liit.
Wär scho mou i däm Museum gsi esch weiss, das bem Gyger i sire Fantasies ned aues met rächte Ding zue ond här god ;-) Idröcklech ond empfälenswärt eschs trotzdem. De ganzi Rundgang god ca. 45min., ond wär noni gnue het cha vis-à-vis vom Museum no es Alien Kafi go trinke :-) . Zom Erstuhne vo öis hets rächt vöu Lüt uf der Stross ond au ider Bar gha! Bi dr Akunft vo öis am 11 Uhr, hets no fasch ke Lüt gha idr Altstadt oder au ufem riisige Bsuecherparkplatz. Anschiinend esch das Örtli no es bekannts Usflogsziil.

Em Museum obe heimer dank däm Kombi-Billet noch chöne e Multimedia-Show öber d’Gschecht vom Schloss aluege/lose. Me het ou d’Möglechkeit gha dör aui die Gmächer go azluege.

Wär no nie in Gruyères gsi esch sett sech no chli Zit iberächne om dört entwäder es Fondue oder es Raclette go z’ässe. Es esch eis vo de Beste :-) . Mer hei öis allerdings entschede lieber eis z’chaufe ond Dehei zue z’bereite.

Wo mer öis weder ufe Heiwäg gmacht hei het d’Altstadt d’Läde off gha, met het chöne Marroni chaufe uf der Stross ond es het gwimmlet vo Bsuecher.

Mer wärde secher weder mou cho, wenns betz wärmer ond sunniger esch. De Schloss Irrgarte esch schiins no zemmli idröcklech.

Do heimer no es paar Iidröck vo däm Tag zämegstöut:

[googleMap name="Château de Gruyères" directions_to="false"]1663 Gruyères[/googleMap]

geschrebe am 9. Januar 2011. 3 Kommentar

Bild Impressione

Das esch dr (Chlätter)-Gepfu!
Fuuli Bäre
Skiferie in Davos
Nöijohrsusflug nach Gruyères

Alli Blog Iiträg

The beginning is the most important part of the work.