Tüüfusschlucht in Hägendorf

Tüüfusschlucht in Hägendorf

A däm Sonntig Nomitag seimer uf Hägedorf id Tüüfusschlucht chli go laufe. Mer hei scho lang mou vor gha dört häre z’go, nor heimers bes etz nie gschafft gha. Ned emou während eg in Hägedorf gwonnt ha hanis gschafft mou uf dä Hoger z’loufe…

Die ganz Wanderig bis ufe uf de Allerheiligeberg duuret om die 1 Stund 30 Minute. Mer se leider chli z’spot acho ond hei wäge dämm nor d’Tüüfusschlucht dörloffe he- ond zrogg. D’ Sonne god jo jetzt scho rächt früeh abe.

Me se auso bim Coop onde ufem Partkplatz gstartet ond se denn Richtig Allerheiligebärg gloffe.  Noch ca. 10 Minute semmer  zo dr Schlucht cho.  S’Loub liit am Bode ond d’Stei se met lüchtend grüenem Moos bewachse – optimale wöus Klima rächt füecht esch. Es het e Bach wo z’derab fliesst, Föuswänd met chline Hölene ond es paar chlineri ond grösseri Wasserfäu. D’Sonne mag do ned wörkli bes abe schiine ond wäge däm esch aues sehr düster, chli mystisch ond sehr gheimnisvoll! Velech liits jo ou a dr momentane Johreszit ;-) . Es lohnt sech uf jede Fall das mou azluege bzw. z’dörlaufe! Wanderschueh se uf jede Fall Pflicht!

Worom Tüüfusschlucht so heisst chöiter do nocheläse:
Erlebnisweg Teufelsschlucht Hägendorf

Bim nöchste Mou wärde mer öis secher meh Zit iplane, demet mer de Räscht bis ufe uf de Allerheiligeberg au no chöi laufe ;-)

[googleMap name="Teufelschlucht" description="Hägendorf" directions_to="false"]Teufelschlucht[/googleMap]

Schlagwörter: ,

4 Kommentar för “Tüüfusschlucht in Hägendorf”

  1. Raphael sagt:

    Hey, gseht ja no cool us. I gloubs wes wieder mau so schön isch, denn müässä mir das ou go aluägä

  2. Jeannie sagt:

    It’s good to see someone tinkhing it through.

Kommentar sände

Bild Impressione

Das esch dr (Chlätter)-Gepfu!
Fuuli Bäre
Skiferie in Davos
Nöijohrsusflug nach Gruyères

Alli Blog Iiträg

The beginning is the most important part of the work.